Si u arrestua i “forti” i Vlorës 12-orë pasi u lirua nga amnistia

Një emër i njohur i botës së krimit që fitoi lirinë një ditë më parë falë ligjit të amnistisë penale, është arrestuar këtë të enjte nga policia e Vlorës.

Bëhet fjalë për Sokol Sinomatin, i cili shijoi lirinë vetëm pak orë e më pas u prangos, pasi drejtësia italiane e kishte dënuar me 12 vjet heqje lirie për trafik droge.

Një situatë e çuditshme duke marrë parasysh se Sinomati ishte i burgosur, e pasi përfitoi lirinë nga amnistia, u arrestua sërish.

Pak kohë më parë, më 7 janar të këtij viti, Sokol Sinomatit i vranë djalin Gëzim Sinomati në Vlorë në ballkonin e shtëpisë, një ngjarje ende e pa zbardhur.

Kujtojmë që Sokol Sinomati, i njohur ndryshe si “Buzëderri” ka qene pjesëtarë i bandës së Gaxhait gjatë trazirave të 97-s, i larguar nga Shqipëria në 2017-n, u arrestua në 2021 në Belgjikë, për çështje droge.

Në fund të vitit 2022 ai u ekstradua në Tiranë, për një ngjarje në 2002-in në qendër të qytetit në zonën e quajtur “Skelë” ku mbeti i vrarë dhe një person.

Ai kishte për të kryer edhe 3 vjet te dënimit, por përfitoi nga amnistia penale.

Pak orë pas lirimit, nga burgu i Rrogozhinës, burime bëjnë me dije se blutë e Vlorës kanë shkuar në banesë dhe e kanë arrestuar përsëri.

Arrestimi është bërë për shkak se ndaj tij ka një vendim të drejtësisë italiane, që e ka dënuar me 12 vjet burg për trafik droge. Ky ekzekutim vendimi është vënë në zbatim nga Policia e Vlorës mëngjesin e kësaj të enjteje.

Burimet gjithashtu shprehen se urdhëri i drejtësisë italiane kishte pak kohë që ishte në dorë të policisë shqiptare, por nuk dihet pse nuk është ekzekutuar më pare, ndërkohë Policia e Vlorës ka ndërhyrë 12 orë pasi Sinomati është liruar.

LEXONI GJITHASHTU:

• 27 të burgosur në IEVP Berat lanë qelinë duke përfituar nga amnistia
• I riu lirohet nga amnistia pas 10 vitesh, apel politikës: Bëjeni më shpesh këtë ligj