Si u çmontua dhuna në protestë? Lita: Shërbimet partnere informuan deputetët

Gazetari Lavdrim Lita tha për Euronews Albania se votimi në Kuvend për imunitetin e Sali Berishës, nuk ishte parashikuar të ndodhte kaq qetë.

Ai tha se më herët kishte pasur rrjedhje informacioni që skenarë dhune ishin përgatitur nga Rithemelimi, por kur këto skenarë u zbuluan gjithçka vazhdoi më qetë.

“Sot u krye një formalitet nga Kuvendi, pasi Komisioni i Mandateve dhe imuniteteve miratoi dy relacione, një të partisë socialiste dhe një të partisë demokratike zyrtare. Sot u krye një informalitet, por vatrat që mendonin grupi i Rithemelimit për të ndezur te SPAK-u te Kuvendi dhe jashtë saj nuk ndodhi.

Shërbimet partnere informuan deputetët dhe kryetarët e grupeve për një skenarë dhune që ishte përgatitur dhe me zbulimin e këtij skenari, grupi i rithemelimit, ka hequr dorë nga këto akte dhe sigurisht gjithçka më pas ka shkuar në një formë më të qetë dhe më normale, në atë ambient”,-tha gazetari Lavdrim Lita.

LEXONI GJITHASHTU:

• Kuvendi i hoqi imunitetin, procedurat që do ndiqen për Sali Berishën
• “Berisha do djegë Parlamentin”- Analisti parashikon ç’do ndodhë nesër në protestë