Si u plagos 15-vjeçari gjatë sherrit me armë të xhaxhallarëve, shkaku i konfliktit

Një ngjarje e rëndë ka ndodhur mbrëmjen e së enjtes në Fushë-Mëzez, ku një 15-vjeçar është plagosur aksidentalisht me armë zjarri gjatë një konflikti midis xhaxhallarëve të tij.

Sipas informacioneve paraprake dyshohet se konflikti mes dy vëllezërve lidhet me tregtimin e lëndëve narkotike.

Sipas informacioneve, xhaxhai i të miturit, 29-vjeçari Nazmi Pëllumbi, është shpallur në kërkim, pasi dyshohet se ka qëlluar me armë zjarri drejt vëllait të tij binjak, Florant Pëllumbi. Nga të shtënat, 15-vjeçari, nipi i të dyve, është plagosur aksidentalisht.

Për incidentin, është arrestuar Florant Pëllumbi, pasi gjatë një kontrolli në banesën e tij është gjetur një sasi e dyshuar e lëndës narkotike kokainë.

Policia nisi hetimet pas denoncimit nga nëna e të miturit, e cila ka shpjeguar se djali i saj u plagos gjatë përplasjes me armë të dy xhaxhallarëve binjakë të 15-vjeçarit.

As babai i djalit dhe as xhaxhai tij Florentit nuk kanë dhënë të dhëna për policinë. Madje ata kanë përplasur mjetin e tyre qëllimisht për të tentuar që të humbin gjurmët duke inskenuar një aksident.

Dyshimet e para sugjerojnë se konflikti ka pasur shkaqe të lidhura me aktivitete të jashtëligjshme, ndërsa hetuesit po vijojnë punën për zbardhjen e ngjarjes.

LEXONI GJITHASHTU:

• EMRI/ Plagoset me thikë një person te “Rruga e Dibrës” në Tiranë
• Zbardhet plagosja e 15-vjeçarit në Fushë-Mëzez, shpallet në kërkim xhaxhai