Donald Trump vazhdon të insistojë mbi faktin se Shtetet e Bashkuara duhet të rimarrin nën kontroll Kanalin e Panamasë.
“Ka qenë vepra më e shtrenjtë që kemi realizuar ndonjëherë, për të cilën kemi humbur mijëra njerëz”, ka thënë presidenti amerikan në një event të organizuar në Uashington nga shoqata e guvernatorëve republikanë.
“Nuk do t’ia lëmë Kinës”, ka nënvizuar më pas, duke prekur edhe çështjen e aneksimit të mundshëm të Groenlandës. “Do të merremi edhe me të”, ka thënë Trump.
Ndërkohë, shefi i Shtëpisë së Bardhë po përgatitet edhe për një sërë lëvizjesh të tjera. Ai pritet të zhbëjë shërbimin postar amerikan dhe të përfshijë agjencinë e pavarur në administratën e tij.
Lajmin e bën të ditur “Washington Post”, që citon burime të informuara mbi çështjen. Një lëvizje e tillë do të çmontonte një shërbim që ekziston prej thuajse 250 vjetësh dhe do të fuste në kaos triliona transaksione.
Presidenti amerikan mund të firmosë një urdhër ekzekutiv për shkarkimin e anëtarëve të këshillit të administratës së shërbimit postar dhe ta vendosë agjencinë nën kontrollin e Departamentit të Tregtisë, i drejtuar nga sekretari Howard Lutnick.
Po ashtu, rreth 50 mijë persona mund të shkarkohen nga Departamenti i Mbrojtjes, në kuadër të shkurtimeve drastike që administrata e Trump po bën, ka bërë të ditur “CNN” që citon një funksionar të lartë amerikan.
Departamenti ka rreth 55 mijë punonjës në provë, që janë dhe lloji i punonjësve që kreu i shtetit dhe miliarderi Elon Musk kanë vënë në shënjestër e që do t’u duhet të bëjnë gati valixhet.
LEXONI GJITHASHTU:
- Si refuzimi i dhënies së mineralve të rralla e futi Zelensky-n në një luftë me Trump
- “Po flinte, kur i shkoi Bassent! Nuk e priti”- Trump vijon sulmet ndaj Zelenskyt
- Trump për Zelenskyn: Një komedian bindi SHBA të shpenzonte 350 mld për një luftë…
