Siguria e Milatoviçit në rrezik? Kandidati për president do të merret në mbrojtje

Kandidati president në Mal të Zi, Jakov Milatoviç do të merret në mbrojtje nga policia.

Partia e udhëhequr prej tij, Lëvizja Evropa Tani (PES), ka kërkuar mbrojtje policore nga frika se do të kërcënohet fizikisht, shkruanr Vijesti.

Për këtë, qeveria e drejtuar nga Dritan Abazoviç pritet të vendosë ditën e sotme.

Nëse vendimi do të merret, do të jetë i përkohshëm derisa Agjencia e Sigurisë Kombëtare (ANB) dhe Drejtoria e Policisë të përcaktojnë nëse dhe nga ku është në rrezik Millatoviç.

Pas 34 vitesh pushtet thuajse të pandërprerë të Milo Gjukanoviç, Republika e Malit të zi mund të ketë një president të ri më 2 prill, kur do të mbahet raundi i dytë i zgjedhjeve presidenciale.

Sfiduesi Jakov Milatoviç mund të dalë fitues, sipas sondazheve dhe gamës së partive politike që e mbështesin atë.

“Isha 3 vjeç kur zoti Gjukanoviç hyri në politikën malazeze. Mjaft është mjaft. Mendoj se ka ardhur koha t’i japim fund politikës së tij, e cila nuk ka qenë pozitive dhe në vitet e fundit na ka përçarë, na ka varfëruar dhe ka detyruar banorët të braktisin vendin. Mbi 100 mijë persona lanë Malin e Zi gjatë qeverisjes së Gjukanoviç”, tha Milatoviç.

LEXONI GJITHASHTU

• Abazoviç mbështet rivalin e Gjukanoviçit: Mali i Zi do një president të ri
• Mal i Zi/ S’ka fitues në raundin e parë, ja kandidati që rivalizon Milo Gjukanoviçin