Vendosja e pemës së Krishtlindjeve në çdo familje konsiderohet një nga momentet më të bukura dhe festive të vitit. Megjithatë, ndërsa shumica e shijon këtë periudhë, ajo bëhet më e vështirë për personat alergjikë, te të cilët simptomat përkeqësohen si pasojë e të ashtuquajturit “sindromi i pemës së Krishtlindjes”.
Pema e Krishtlindjeve qëndron mesatarisht rreth një muaj brenda çdo shtëpie, si simbol i festave të fundvitit. Për këtë arsye, alergologët japin disa këshilla për të minimizuar shqetësimet te personat alergjikë.
Duke qenë se alergjitë janë të shumëllojshme, mjekët këshillojnë gjithashtu kujdes me ushqimet, pasi disa prej tyre mund të shkaktojnë reaksione alergjike.
