Të qëndrosh në krye të piramidës botërore të tenisit është një arritje për Jannik Sinner, i cili dita ditës ka konfirmuar që e meriton pozicionin në të cilin qëndron, si numri 1.

Italiani ka fituar një tjetër trofe të rëndësishëm në karrierë e bëhet fjalë për US Open. 32-vjeçari ia doli të ngrejë lart trofeun, pasi mposhti në finale amerikanin Fritz, duel i mbyllur në shifrat 3-0.

Seti i parë ishte ai që mund të konsiderohet më i lehti për italianin, i fituar 6-3, i dyti 6-4 dhe seti i tretë 7-5, për të kompletuar tripletën. Pas këtij triumfi, Sinner bëhet i pari tenist Italian mashkull që fiton US Open, ndërsa më herët ia ka dalë të rrëmbejë trofe edhe në Australi. Fritz renditet i shtati në botë, ndërsa Sinner me gjasa do të konfirmohet i pari për vitin 2024, nëse vijon me të njëjtin ritëm dhe rrëmben pikë në kompeticionet e ardhshme.

Po gjatë këtij viti, arriti që në Australi ti rrëmbente trofeun Daniil Medvedev, të cilin arriti ta përmbyste nga 0-2 në 3-2 në një performancë mbresëlënëse. Sa i përket renditjes botërore ka të reja, pasi i dyti është ngjitur Zverer, ndërsa i treti Alcaraz, me serbin Djokoviç që ka zbritur në pozitën e katërt.

LEXONI GJITHASHTU:

• Tenis| Djokoviç avancon më tej, serbi mposhti Nadal në fazën e 1/16
• Çerekfinalet e Indian Wells në Tenis| Zverev sfidon Alcaraz, Sinner përball Lehecka