Sinner, mungesa e madhe! Tenisti numër 1 në botë tërhiqet nga lojërat olimpike

Numri 1 i botës së tenisit, Jannik Sinner nuk do të marrë pjesë në lojërat olimpike të Parisit, ndërsa këtë vendim e ka bërë të ditur vetë në rrjetet sociale.

22-vjeçari ka konfirmuar mungesën në kompeticionin më madhor, duke pohuar dhe arsyen e shkak është bërë gjendja gripale, e cila e ka shqetësuar atë. Pasditen e së mërkurës ishte vetë Sinner që reagoi në rrjetin social X, ku bën me dije se ka shfaqur probleme gjatë stërvitjes, e më pas mjeku i ka bërë të ditur që nuk është në gjendje të luajë.

“Jam i trishtuar t’ju informoj se fatkeqësisht nuk do të jem në gjendje të marr pjesë në Lojërat Olimpike të Parisit. Pas një jave të mirë stërvitjeje në fushën me dhe, fillova të ndihesha keq. Kam kaluar disa ditë duke pushuar dhe kur shkova për një kontroll, mjeku zbuloi që kisha infeksion të bajameve dhe më këshilloi fuqimisht që të mos luaja. Mosmarrja pjesë në Lojërat Olimpike është një zhgënjim i madh sepse ishte një nga objektivat e mia kryesore këtë sezon”, shkroi në rrjetet sociale Sinner.

Italiani aktualisht renditet i pari në botë, ndërsa 2024 ka qenë një vit me fat për të, ku arriti të fitojë dhe Grand Slamin e parë në karrierë.

LEXONI GJITHASHTU:

• Kupa e botës së tenisit zhvillohet në Tiranë, 7 ekipe synojnë suksesin
• Halep përjashtohet nga tenisi për katër vjet