Sipërmarrësi shqiptar i kamionëve: Nëse rriten pagat, edhe unë do rris çmimet

Në Gjermani nis sot ajo që mund të konsiderohet si greva më e madhe në tre dekada, e cila do të lërë miliona njerëz pa transport të rregullt dhe rrugët për qarkullimin e makinave do të bllokohen.

Sindikatat duan paga më të larta në funksion të rritjes së çmimeve, si dhe kushte më të mira pune për rreth 2.7 milionë punonjës në sektorin publik dhe aktivitetet e transportit.

Hysni Hoxha, sipërmarrës kamionësh nga Gjermania tha në një lidhje me emisionin Good Morning Albanians në Euronews Albania nëse merret vendimi për rritjen e pagave në Gjermani atëherë edhe ai si sipërmarrës do të jetë i detyruar të rrisë çmimet.

Ai u shpreh se shteti gjerman nuk të ndihmon fare nuk ke punë, kur je sipërmarrës.

“Rritjen e pagave e kam bërë vjet në fillim të vitit, kur u rritën çmimet rrita edhe rrogat. Prej vitit të kaluar deri tani situata nuk është e mirë në Gjermani, nuk ka shumë punë. Nëse një sipërmarrës do të paguajë 500 euro më shumë për punonjës, ai do të rrisë edhe çmimin e prodhimit që do i faturohet konsumatorit”, tha sipërmarrësi shqiptar.

LEXONI GJITHASHTU:

• Kamionisti nga Gjermania: Shqiptarët s’protestojnë, pinë kafe nëse kanë kohë të lirë
• Paralizohet Gjermania, grevë masive në të gjitha mjetet e transportit