Paralizohet Gjermania, grevë masive në të gjitha mjetet e transportit

Nis sot në Gjermani ajo që mund të konsiderohet si greva më e madhe në tre dekada, e cila do të lërë miliona njerëz pa transport të rregullt dhe rrugët për qarkullimin e makinave do të bllokohen.

Udhëtimet nga ajri dhe toka në Gjermani do të bllokohen, po ashtu edhe transporti publik, pasi në menatën e kësaj të hënë ka nisur një grevë masive greva, në kryeqytet dhe zona të tjera. Mediat e huaja raportojnë se trenat nuk do të lëvizin pothuajse fare, vetëm ai në Berlin do të funksionojë nga aeroporti. Transporti publik duhet të ndalojë gjithashtu në shtatë nga gjashtëmbëdhjetë provincat.

Një grevë e tillë paralajmëruese është thirrur nga dy sindikata të rëndësishme, Sindikata e punonjësve të hekurudhave dhe punonjësve të transportit (EVG) dhe Sindikata e Shërbimit Verdi. Kreu i sindikatës gjermane “Verdi”, Frank Werneck tha sot se greva masive e planifikuar për të hënën është çështje mbijetese për mijëra njerëz.

Sindikatat duan paga më të larta në funksion të rritjes së çmimeve, si dhe kushte më të mira pune për rreth 2.7 milionë punonjës në sektorin publik dhe aktivitetet e transportit. Një raund i ri negociatash fillon nesër. “Verdi” kërkon 10.5 për qind më shumë për nëpunësit publikë, pagat e të cilëve janë të barabarta me pagat e shumë punonjësve në aeroporte apo transport publik, por që rritja minimale të jetë 500 euro në muaj bruto.

LEXONI GJITHASHTU:

• Grevë e përgjithshme në Francë, vijojnë protestat anti-Macron
• Qindra fluturime anulohen në Gjermani për shkak të grevës në 4 aeroporte