Situata në PD pas vendimit të Gjykatës, si përfaqësohet partia zyrtarisht

Vendimi i Gjykatës së Tiranës për të njohur statutin e Kuvendit të 11 dhjetorit dhe dorëheqja e Bashës e kaloi kontrollin e Partisë Demokratike në duart e Komisionit të Rithemelimit.

Situata në selinë blu pas 25 marsit i ngjason një kantieri ndërtimi.

Pas heqjes së dyerve të blinduara, godina po riparohet tërësisht.

Godina tashmë administrohet nga Etion Kapedani, një nga mbështetësit e Berishës. Të vetmit që kanë zyra janë Enkelejd Alibeaj si kryetar i grupit parlamentar dhe Jorida Tabaku.

Edhe vula që përfaqëson Partinë Demokratike nuk është zyrtarizuar ende, pasi ajo që u miratua në Kuvendin e 11 dhjetorit nuk është depozituar në Gjykatë.

Po ashtu edhe KQZ është e paqartë se kush do e përfaqësojë Partinë Demokratike, pasi vijon të mbetet në fuqi akti i vjetër që autorizon Indrit Sefën, mbështetës i Bashës.

Aktualisht, i vetmi organ i gjithëpranuar në Partinë Demokratike është grupi parlamentar.

Konfuz është edhe përfaqësimi i PD në rrjetet sociale. Në asnjë nga faqet, qëndrimet nuk janë të unifikuara dhe ato komandohen nga individë të grupimeve të ndryshme brenda PD-së.

LEXONI GJITHASHTU:

• Basha i shmanget pyetjes për rikandidimin në krye të PD-së
• Incidenti me kryetarin e PD-së Shkodër, nuk u ftua në ceremoninë e 2 prillit