Vrasja e gjyqtarit, Koçiu debat me Nokën: Përgjegjës jeni ju me gjuhën e urrejtjes

Ministrja e Brendshme Albana Koçiu reagoi ndaj deklaratave të Sali Berishës në Kuvend që e akuzoi si mashtruese publike e denoncuar nga KLGJ duke iu referuar kërkesa të mëhershme ndaj policisë për mbrojtje të institucioneve të Drejtësisë.

Koçiu e cilësoi Berishën si “njeriu më i pështirë që mund të ekzistojë në gjithë politikën”, i cili sipas saj me gjuhën e tij të urrejtjes ka sjellë situatën e krijuar.

Ajo ndërsa refuzoi në mënyrë të prerë që policia kishte përgjegjësi në ngjarjen e rëndë të ndodhur në sallën e Gjykatës së Apelit.

“Tani është e qartë kush e sjell gjuhën e urrejtjes në këtë parlament, kush është njeriu më i pështirë që mund të ekzistojë në gjithë politikën. Nëse do kishte përgjegjësi një polic i shtetit sot për ngjarjen e rëndë do ishte në burg, reforma në drejtësi ka prodhuar sot rezultate konkrete. Produkt i kësaj reforme janë edhe ndarja e qartë e përgjegjësisë ndaj institucioneve. Përgjegjësja për vrasjen nuk jam unë, jeni ju që flisni ditë e natë me këtë gjuhë. Kjo gjuhë e juaja ka krijuar këtë situatë. Turp të kesh ti nga mëngjesi në darkë”, ju drejtua Koçiu, Nokës.

LEXONI GJITHASHTU:

• Vrasja e gjytarit Kalaja, Berisha akuzon ministren e Brendshme për mashtrim publik
• Debate në Parlament për vrasjen e gjyqtarit, Bardhi kërkon dorëheqjen e ministres