Skandali te Onkologjiku, GJKKO lë në fuqi masat e sigurisë për mjekët

U mbajt këtë të mërkurë në GJKKO seanca për skandalin te Onkologjiku. Në përfundim të seancës trupa e gjyqtarëve vendosi të lërë në fuqi masat e sigurisë të përcaktuara më herët.

Në ambientet e GJKKO këtë të mërkurë ishin të pranishëm dhe mjeku Edmond Gashi, farmacisti Florian Marku, dhe Alketa Pere të cilët janë nën hetim në masa më të buta sigurie.

Masat në fuqi për të akuzuarit e dosjes ‘Onokolgjiku’:

• Edmond Gashi, mjek onkolog në spitalin e Onkologjikut– “Arrest shtëpie”
• Alketa Pere Ymeri, mjeke onkolog në spitalin e Onkologjikut – “Detyrim paraqitje”
• Brikena Qirjazi, Ish zv.drejtoreshë e QSUT – “Detyrim paraqitje”
• Emiljano Lela, Koordinatori pranë onkologjikut – “Detyrim paraqitje”
• Drilona Kishta, ish-specialist pranë QSUNT banuese në Amerikë – “Detyrim Paraqitje”
• Halil Gashi, administrator i klinikës  Megis, babai i mjekut Gashi – “Detyrim paraqitje”
• Florian Marku, administrator farmacie  – “Arrest shtëpie”

Sipas dyshimeve të prokurorisë mjekët nuk u ofronin shërbim në spitalin shtetëror të sëmurëve me kancer, për t’i transferuar në klinika private në pronësi ose lidhje me ta.

Marrja e dosjes nga SPAK erdhi pas vendimit të Prokurorisë së Tiranës për të shpallur moskompetencën në lidhje me skandalin te spitali Onkologjik.

SPAK ka nisur hetimet edhe për “Korrupsion”, përpos “Shpërdorimit të detyrës”. Gjithashtu nga ana e SPAK janë duke u verifikuar edhe disa farmaci për kondrabandë ilaçesh. Në sitën e prokurorisë do të kalojnë edhe zyrtarë të Ministrisë së Shëndetësisë dhe drejtues të QSUT për çështjen e qendrës së Kobaltit.

LEXONI GJITHASHTU:

• Dosja e “Onkologjikut” i kalon SPAK, Prokuroria e Tiranës shpall moskompetencën
• “A e dinit për Onkologjikun?”- Koçiu në interpelancë për skandalin: Faji ka fytyrë