‘Skemë e kalbur’, Manjani: Me pushtetin lokal nuk kemi qullosu gjë

Juristi Ylli Manjani thotë se sondazhi i Euronews Albania mbi perceptimin e qytetarëve rreth pushtetit lokal tregon se nevojitet një reformë shumë e thellë në këshillat bashkiakë, duke nisur nga depolitizimi.

Në emisionin Barometri, Manjani u shpreh se sondazhi i Euronews Albania mbi perceptimin e qytetarëve rreth pushtetit lokal tregon se ai është një zgjatim i atij qendror, ‘një skemë e kalbur që ka nevojë të ndryshohet’.

“Ky sondazh ishte shumë i qartë, që këshillat bashkiak janë të parëndësishëm për perceptimin qytetar. Kjo tregon edhe një herë që ne, me pushtetin lokal nuk kemi qullosur asgjë. Deri tani kemi parë që pushteti lokal është një zgjatim i atij qendror është një skemë e kalbur. Në këtë kuptim duhet një përmbysje e kësaj skeme. Duhet ndërtuar një sistem sa më jo politik në pushtetin lokal. Pushteti lokal duhet të jetë sa më gjithëpërfshirës për komunitetin pa ndasi politikë. Na duhet një pushtet lokal krejt tjetër”, tha Manjani.

LEXONI GJITHASHTU:

• Shqiptarët të painformuar për mënyrën e përcaktimit të buxhetit dhe taksave 
• ‘Vjen nga Partia e Punës’, Dalipi-Topollajt: S’di çfarë flet, s’do jesh në këshill