Tonin Gjinaj sekretar i përgjithshëm i shoqatës së autoshkollave tha për “Good Morning Albanians” se duhet vendosur më shumë rregull sa i takon autoshkollave.
Ai tha se në Shqipëri autoshkollat vendos secila çmimin e vetë dhe nuk kanë tarifa, gjë që duhet rrgulluar ndërsa theksoi se sa herë kanë tentuar të flasin për këtë problem nuk janë dëgjuar.
“Çdo anëtar i shoqatës sonë i cili nuk e kryen aktivitetin e tij në përputhje me ligjin, me kodin rrugor, VKM-në dhe udhëzimin e ministrit të transportit nuk është pjesë e grupit tonë. Ne nuk jemi “laro” të drejtorisë.
Ne jemi në punën tonë, në biznesin tonë dhe duam që ky aktivitet t’u kthehet qytetarëve në shërbim. Ne nuk kemi tarifa, një autoshkollë deklaron sa i do qejfi, një tjetër sa i do qejfi. Ne nuk jemi Kabul, jemi në Shqipëri, as po na presin e as na përcjellin”,-tha Tonin Gjinaj sekretar i përgjithshëm i shoqatës së autoshkollave.
LEXONI GJITHASHTU:
- “U njohëm në Vlorë para 30 vitesh”- Çifti amerikano-norvegjez zgjodhën Shqipërinë
- Ofendonte personat me aftësi ndryshe, arrestohet personazhi i njohur i Tik Tok
