Skenarët e protestës, Kryemadhi zbulon çfarë pritet më 12 nëntor

Deputetja e Partisë së Lirisë, Monika Kryemadhi tregoi në “Now me Erla Mëhillin” çfarë pritet të ndodhë në protestën e 12 nëntorit.

Sipas saj me këtë situatë ekonomike dhe kaq pak njerëz sa kanë ngelur në Shqipëri është fitore e madhe të dëgjosh njerëz që thonë “po, do dal në protestë”.

“Unë them se data e 12 nëntorit nuk do të bëjë revolucionin industrial që do të përmbysë sistemet, por mendoj se është një sensibilizim shumë i madh, i rëndësishëm jo vetëm për opinionin publik, por dhe për të unifikuar mendimet e përbashkëta që në një farë mënyre ka gjithë opozita,” – u shpreh Kryemadhi.

Deputetja u shpreh se ka vënë re një integrim edhe të “pjesës gri” në protestë, ata qytetarë që presin nga opozita të mos i tradhtojë, përjashto këtu militantët që nuk mungojnë në asnjë grumbullim.

“Na pëlqen apo s’na pëlqen një nga gabimet tona ka qenë djegia e mandateve ku ne ja dhamë të gjitha armët Edi Ramës dhe mos çuarja deri në fund e aksionit opozitar,” – deklaroi Kryemadhi.

LEXONI GJITHASHTU:

• Kryemadhi për inceneratorët: Klodian Zoto ka paguar 2 mld lekë për 19 kompani
• Kryemadhi: Dorëzova në SPAK fatura të tjera për inceneratorin e Elbasanit
• E-mail për Metën, Kryemadhi: Tërhoqën vëmendjen nga lirimi i Alqi Bllakos