S’mund ta them arsyen pse nëna e fshehu atësinë, thotë psikologia e maternitetit

Psikologia e maternitetit të Shkodrës, Blerta Rroji ka folur në lidhje me ngjarjen e rëndë, të ndodhur disa ditë më parë, ku një 32-vjeçare hodhi foshnjen e saj në lumin Kir.

Për emisionin “Good Morning Albanians” në Euronews Albania, Rroji u shpreh se 32-vjeçarja nuk donte ta deklarontë atësinë e foshnjes.

Sipas saj, për arsye protokolli, ajo nuk mund të tregojë se për 32-vjeçarja kishte marrë një vendim të tillë.

“Nuk e deklaronte atësinë. Thjesht nuk e deklaronte, janë disa çështje shumë konfidenciale. Gjërat që tregohen nuk mund të nxirren, sepse ne kemi një protokoll që nuk mund të tregojmë çdo detaj të hollësishëm.

Në bazë të vlerësimit që kam bërë unë, nëna nuk ka rezultuar me probleme të shëndetit mendor. Ajo është ndjekur ashtu siç duhet, sipas protokolleve që ne i kemi këtu në institucionin tonë”, theksoi ajo.