“S’mund të heshtim për Gazën”, Macron: Evropa të jetë bashkë për paqen në Ukrainë

Presidenti i Francës Emanuel Macron tha në fjalën e tij në seancën e parë plenare të Samitit të Liderëve të Evropës se ajo që Evropa bën për të sjellë paqen në Ukrainë duhet të shkojë paralel me qëndrimin për atë çfarë po ndodh në Gaza.

Macron u shpreh se është i nevojshëm një armëpushim në Gaza dhe Evropa nuk duhet të heshtë përballë krizën humanitare që po ndodh atje.

“Duhet të këmbëngulim që të sigurojmë një paqe të qëndrueshme në Ukrainë, shpresoj se gjithçka do të përmbyllet e te kemi një traktat paqeje midis Armenisë dhe Azerbajxhanit. Duhet mbështetur Moldavia nga presioni rus. Duhet t’i japim fund situatës në Gaza, e rëndësishme që ne i mbështesim. Njerëzimi, Kina India, Paqësori Azia i kanë sytë nga ne sa i takon çështjes së Ukrainës”, tha Macron.

Presidenti francez bëri thirrje për unitet mes vendeve të Evropës edhe sa i takon ekonomisë ndërsa mbështeti sugjerimin e kryeministrit Edi Rama për krijimin e një sekretariati që të përfshijë praninë e Këshillit Evropian.

LEXONI GJITHASHTU:

• VIDEO| Rama lodhet duke pritur Macron, bën fizkulturë
• Samiti i Komunitetit Politik në Tiranë, Rama i ulet në gjunjë Giorgia Melonit