Softa: Çështja e Klosit të kalojë në SPAK, mund të jenë të ardhura nga abuzimi

Eksperti i sigurisë Fatjon Softa ka komentua ngjarjen më të diskutuar ditëve të fundit, vjedhjen në shtëpinë e zyrtares Alda Klosit dhe pasurinë e paluajtshme të kësaj të fundit.

Në një intervistë për Euronews Albania ai tha se kjo çështje duhet të kalojë në dorën e SPAK pasi bëhet fjalë për zyrtarë të lartë.

“Çdo e keqe ka një të mirë, fakti që kjo vjedhje është e rëndë. Kjo e keqe dha një të mirë sepse evidentoi një problem  apo disa probleme dhe unë mendoj se hetimi duhet t’i kalojë SPAK sepse bëhet fjalë për zyrtarë të lartë dhe dyshohet se këto para mundtë mos jenë të ardhura nga biznesi apo nga kursimet por mund të jenë të ardhura për shkak të abuzimit në detyrë”- tha ai.

Më tej ai theksoi se Klosi në momentin që ka bërë denoncimin për paratë e vjedhura e ka menduar se çfarë do thotë se ku ka gjetur këto para.

Sipas Softës, Klosi nuk e ka menduar se çështja do të bëhej kaq e madhe.

“Klosi ka qenë e përgatitur për të thënë se paratë e vjedhura i kam fituar në këtë formë, por nuk ka menduar ajo që kjo gjë do të merrte këtë vëmendje mediatike dhe të opinionit publik”- theksoi Softa.

LEXONI GJITHASHTU: 

• “Nuk të dhuron njeri apartament”- Softa kërkon nisjen e hetimeve për Alda Klosin
• Moska: Konflikti në Ukrainë është një përplasje mes NATO-s dhe Rusisë