“Sot do ketë pajtim”, gazetari: Ku pritet që të nënshkruhet marrëveshja Kurti-Vuçiç

Gazetari Lirim Mehmetaj thotë se në takimin e sotëm në Ohër të Maqedonisë së Veriut, kryeministri i Kosovës, Albin Kurti dhe presidenti i Serbisë, Aleksandër Vuçiç do të pajtohen për një marrëveshje.

Në një intervistë për Euronews Albania, Mehmetaj u shpreh se nuk do të ketë nënshkrim të marrëveshjes, pasi pritet që firmat të hidhen në një moment tjetër, në Paris ose Berlin.

“Nga informacionet që kemi, pajtim do të ketë. Në fund të takimit trilateral, do të kemi një konferencë për mediat nga Josep Borrell, i cili do të dalë si më 27 shkurt dhe do ta konfirmojë se palët janë pajtuar edhe për pikat e zbatimit të marrëveshjes. Nënshkrim nuk do të ketë.

Besohet se nënshkrimi do të jepet në një moment tjetër, në një kryeqytet evropian, është mes Parisit dhe Berlinit, me shumë gjasë do jetë Parisi. Përveç dy liderëve që do nëshkruajnë, do jenë të pranishëm edhe shumë liderë evropianë dhe botërorë, e të gjithë liderët e Ballkanit Perëndimor”, theksoi ai.

LEXONI GJITHASHTU

• Kurti takohet me Escobar-in në Ohër, ja për çfarë diskutuan

• Escobar: Nuk jemi të fokusuar te nënshkrimi, por te finalizimi i marrëveshjes
• “Kam ardhur për të biseduar për marrëveshje”, Kurti flet para takimit me Vuçiçin