“Kam ardhur për të biseduar për marrëveshje”, Kurti flet para takimit me Vuçiçin

Kryeministri i Kosovës, Albin Kurti ka folur pak para takimit që do të zhvillojë me presidentin e Serbisë, Aleksandër Vuçiç në Ohër të Maqedonisë së Veriut.

Kurti u shpreh se do të diskutojë për të arritur një marrëveshje për normalizimin e marrëdhënieve mes dy vendeve.

Kurti nënvizoi se do të bëjë më të mirën për kushtetueshmërinë, sovranitetin dhe integritetin territorial të Kosovës.

“Liqeni i Ohrit është liqen tektonik, mirëpo është vend i qetë dhe i bukur siç po e shihni të gjithë këtu. Unë jam optimist, jam i vëmendshëm dhe do të bëjmë më të mirën për Republikën e Kosovës, kushtetutshmërinë, sovranitetin, integritetin territorial, interesin publik dhe të popullit për gjithë qytetarët pa dallim sepse unë jam kryeministër i të gjithëve.

Përveç se jam optimist kam ardhur me qëllim dhe vullnet të mirë dhe në mirëbesim që dakordimin e arritur më herët që nuk u nënshkruam në Bruksel me 27 shkurt të vazhdojmë përmes bisedimeve për planin e zbatimit”, theksoi ai.

LEXONI GJITHASHTU

• Kovaçevski takon Kurtin dhe Vuçiçin: Bisedimet, të rëndësishme për paqen në rajon
• “Mbështetje për një sukses historik”, Kurti me Ali Ahmetin dhe Osmanin para dialogut
• Çfarë po diskutojnë? Kurti konsumon kafe me Ali Ahmetin para takimit me Vuçiçin