Sot mund të hasni vështirësi në faqet zyrtare online, njofton AKSHI

Agjencia Kombëtare e Shoqërisë së Informacionit njofton se qytetarët mund të hasin sot vështirësi në faqet zyrtare online, për shkak se do të bëhet një operacion për mirëmbajtjen e sistemeve.

AKSHI nënvizon se mund të ketë probleme gjatë orarit 14:00 deri në 23:59 të ditës së sotme, pasi po punohet për pasoja e sulmit kibernetik.

“Agjencia Kombëtare e Shoqërisë së Informacionit u bën me dije qytetarëve shqiptarë se sot në orën 14:00 deri në 23:59 do të kryejë një operacion mirëmbajtje të sistemeve dhe faqeve zyrtare të institucioneve publike. Kjo ndërhyrje në vazhdën e përballjes me pasojat e sulmit kibernetik, do t’i shërbejë përmirësimit të mëtejshëm në dhënien e shërbimeve publike online. Kërkojmë mirëkuptimin e të gjithëve nëse gjatë ditës së sotme mund të hasni vështirësi në aksesin e çdo faqeje publike”, thuhet në njoftimin e AKSH-it.

Një ditë më parë, zv.Kryeministrja, Belinda Balluku deklaroi se 98% e shërbimeve online të institucioneve janë kthyer në funksion pas sulmit.

Sipas saj, për të ndaluar sulme të tilla në të ardhmen, qeveria po bashkëpunon me kompaninë Mikrosoft dhe FBI-në amerikane.

Ndërsa, drejtorja e AKSHI-t, Linda Karçanaj u shpreh se sulmi kibernetik u bë me qëllim fshirjen e të dhënave kryesore të sistemeve në Shqipëri, por ajo sqaroi se nuk pati humbje të dhënash.

LEXONI GJITHASHTU:

• Sulmi kibernetik synonte fshirjen e të dhënave kryesore, Karçanaj: S’pati humbje
• Balluku jep detaje nga sulmi kibernetik: Po bashkëpunojmë ngushtë me FBI