“Sot shkojnë si Çeçua të gjithë në SPAK”, Koçi: Strategjia e Berishës, e dështuar

Deputeti i Partisë Socialiste Petro Koçi tha se strategjia që po ndjek ish-kryeministri Sali Berisha për t’u përballur me drejtësinë, është një strategji e dështuar.

I ftuar në emisionin “Review” në Euronews Albania ai tha se Berisha shkon të protestojë para SPAK-ut për inceneratorët, ndërkohë që SPSK e kërkon për sqarime, kjo gjë sipas tij është absurditet.

“Se ç’kuptim ka që t’i je nën akuzë nga SPAK-u dhe thua do bëjë protestë para SPAK-ut për inceneratorët, ndërkohë ty të kërkon SPAK-u që t’i përgjigjesh. Gjithsesi kjo është një strategji që ka zgjedhur ai. Për mua është strategji e dështuar. Për mua duhet të zgjidhte rrugën normale. Nuk e bëri, kjo është çështje e tij.

Petro Koçi tha gjithashtu se SPAK-u është një histori suksesi, pasi tani po dalin para drejtësisë ata që konsideroheshin si të paprekshëm dhe “elefantë të politikës”

Unë mendoj se SPAK-u është një histori suksesi, unë e kam quajtur republikë të re. Me këtë që po ndodh, jo me Berishën, por me këtë që po bën SPAK-u jemi në situatën e një republike të re. Nuk kishte bërë vaki kurrë që këta të paprekshmit të mëdhenj, të pandëshkueshmit, elefantët ose ciklopët e politikës, të guxonte njeri t’i thërriste në Prokurori. Sot shkojnë si Çeçua”,-tha deputeti i Partisë Socialiste.

LEXONI GJITHASHTU:

• Kë frikëson dënimi i Berishës? Analisti: Steka është ngritur shumë lart…
• “Sillet si i pandehur, i falet”-Ngjela: Berisha e votoi vetë SPAK, ja ç’mund të bëjë