Kë frikëson dënimi i Berishës? Analisti: Steka është ngritur shumë lart…

Analisti Roland Qafoku tha në një intervistë për Euronews Albania se me arrestimin e Berishës, të gjithë politikanët të cilët mund të kenë “bërë duart pis” ndihen të rrezikuar. Ai tha se gjithsesi arrestimi i tij nuk do të ishte një lajm i mirë për Shqipërinë , pasi ai ka dominuar politikën shqiptare për 32 vite.

“Kjo e tronditi politikën, por nga ana tjetër nuk është një lajm i mirë. Shqipëria politike me kryetarin e opozitës në burg. Ai njeri e ka dominuar politikën për 32 vite. Kur të shkruhet historia nuk do të na vijë mirë si nuk na vjen mirë që Fatos Nano ishte në burg, që ish-kryeministri  Vilson Ahmeti ishte në burg. nuk na bën nder ne kjo, që kryetari i opozitës të futet në burg, të lihet në arrest shtëpie”,

I pyetur nëse kjo është lajm i mirë për drejtësinë Qafoku tha:

“Steka është n gritur aq lart sa çdo politikan që mund t’i ketë bërë duart pis duhet të gjejë vend e të futet, se kur u godit Sali Berisha çfarë mund të pritet nga politikanë të tjerë”.

LEXONI GJITHASHTU:

• SPAK kërkon “Arrest në shtëpi”, Berisha flet nga konferenca: Hakmarrje
• Berisha sulmon Gjykatën Kushtetuese: Është shndërruar në një seksion mjeran të Ramës