Sot takimi në Beograd për ‘Open Balkan’, i pranishëm kryeministri Rama

Takimi i radhës mes tre vendeve që janë pjesë e nismës “Open Balkan”, Shqipëria, Serbia dhe Maqedonia e Veriut do të zhvillohet në Beograd të mërkurën dhe të enjten.

Për shkak së dorëheqjes së Zoran Zaev, në vend të tij do të shkojë zv.kryeministri i Maqedonisë së Veriu,  Nikolla Dimitrov.

Kryeministri shqiptar Edi Rama, presidenti i Serbisë, Aleksandër Vuçiç dhe kryeministri i Maqedonisë së Veriut, Zoran Zaev, në 29 korrikun e kaluar, nënshkruan një deklaratë të përbashkët, e cila bazohet në 4 liritë e mëdha të bashkëpunimit në botën perëndimore: liria lëvizjes së mallrave, kapitalit, njerëzve dhe shërbimeve.

Euronews Albania ka mësuar agjendën e takimit të ‘Open Balkan’, që pritet të mbahet të enjten në Beograd:

• 08.55: Mbërritja dhe foto e përbashkët e zyrtarëve
• 09.00-10.00: Takimi i zyrtarëve me biznesmenë
• 10.00-10.30: Takimi i zyrtarëve me përfaqësues të Këshillit Atlantik
• 10.30-11.30: Takimi i Presidentit Aleksandar Vuçiç me kryeministrin Edi Rama dhe zëvendëskryeministrin Nikolla Dimitrov
• 11.30-12.30: Konferencë e përbashkët për shtyp e tre zyrtarëve.

Nisma për bashkëpunim rajonal u përkrah edhe nga Shtetet e Bashkuara të Amerikës, BE dhe Gjermania e cila doli në një deklaratë ku kërkoi me urgjencë që të nënshkruhet marrëveshja për Tregun e Përbashkët Rajonal para Samitit BE-Ballkan në 6 tetor.

Por, Kosova, Mali i Zi dhe Bosnja e Hercegovina nuk kanë pranuar të jenë pjesë e kësaj nisme, edhe pas thirrjeve për bashkëpunim.

LEXONI GJITHASHTU:

• S’ka tërheqje nga ‘Open Balkan’, Rama nesër në Beograd
• Rama, Vuçiç dhe Zaev nënshkruajnë marrëveshje bashkëpunimi mes vendeve në nismën Open Balkan