Sot varroset gruaja shtatzënë që u vra nga ish-bashkëshorti

Gruaja shtatzënë që u vra të mërkurën në Prishtinë do të varroset sot.

Familjarë të viktimës kanë thënë për KosovaPress se varrimi do të bëhet në ora 13:00.

Mbrëmjen e së mërkurës, Sokol Halili vrau ish-bashkëshorten e tij shtatzënë në oborrin e Klinikës së Gjinekologjisë në Prishtinë. Gruaja, siç është raportuar, do të sillte në jetë fëmijën brenda këtyre ditëve.

Prokuroria Themelore e Ferizajt ka dhënë detaje në lidhje me urdhërin e mbrojtjes së dhënë për Hamide Magashin, e cila një ditë më parë u vra nga ish-burri i saj në maternitetin e Prishtinës.

Prokuroria sqaron se në 13 shtator gjykata ka dhënë urdhër mbrotjtje për Magashin për dhunë në familje nga ish-burri i saj.

Ky urdhër i është dorëzuar Qendrës për Punë Sociale në Lipjan dhe Policisë së Kosovës – Stacionit Policor në Lipjan.

Ndërkohë, Policia e Kosovës ka kërkuar nga qytetarët informacione të cilat do të ndihmonin në arrestimin e Sokol Halilit, i cili ende ndodhet në arrati.

LEXONI GJITHASHTU:

• ‘Jetoi me burrin 4 muaj’, deputetja zbulon fjalët e fundit të shtatzënës së vrarë
• “Dorëheqja nuk mjafton”, protestë në Prishtinë për vrasjen e gruas shtatzënë