Spahiu: Berisha s’ka mbështetje popullore, prandaj djeg me 20 veta karriget

Analisti Kreshnik Spahiu është shprehur se Sali Berisha nuk ka mbështetje popullore.

Sipas tij Berisha ka humbur bastione në Kukës, Tropojë, Pukë, Bathore e Lezhë.

Sipas tij, nëse Berisha do të kishte mbështetje popullore s’do i vihej zjarri karrigeve në Parlament po do i vihej bulevardit.

“Berisha s’ka mbështetje, dhe ndërkombëtarët mund të kenë menduar se arrestimi i Berishës mund të ngjallte më shumë reaksion. Fakti që nga fushata elektorale, nuk është zhvilluar asnjë protestë e Berishës, tregon që ky grupim tashmë ka ardhur duke u rrudhur politikisht, ka humbur bastionet në Kukës, Tropojë, Pukë, Bathore, Lezhë. Fakti që protestat janë katandisur më vënie zjarri tregon që të vetmit ushtarë që i kanë mbetur janë 10 apo 20 deputetë. Nëse do të kishte mbështetje popullore nuk do i vihej zjarri karrigeve në Parlament po do i vihej Bulevardit”-tha ai.

LEXONI GJITHASHTU: 

• Izraeli vazhdon ofensivën në Gaza, zemërim  pas vrasjes së pengjeve
• Vetingu në polici, 3 drejtues të lartë të Policisë dhe AMP para Trupës së Vlerësimit