Juristi Kreshnik Spahiu tha në një intervistë për Euronews Albania se kur populli voton një pushtet që nuk e pëlqen, ky është një dështim i opozitës.
Sipas tij diçka e tillë vjen si rezultat i mungesës së alternativës.
“Është njësoj si në kohën e partisë së punës. Shqiptarët votonin partinë e punës sepse nuk kishin alternativë tjetër, sepse sindikatat, fronti demokratik, bashkimi demokratik, rinia atëherë ishin vegla, edhe në këtë moment. Unë po flas për rezultatin, jo për votimin,” – u shpreh Spahiu.
Juristi shtoi se në këto kushte, në këndvështrimin e tij opozita e ka mbyllur misionin e saj.
“Rezultati më 15 maj dihet. Shqiptarët janë të pakënaqur me qeverisjen, janë të pakënaqur me të ardhmen e tyre dhe përsëri votojnë të pakënaqurën, shqiptarët përsëri votojnë sepse nuk shikojnë alternativë,” – tha ai.
LEXONI GJITHASHTU: