Spahiu: S’ka rëndësi çfarë tha në OKB Albini, por pse ishte kundër Perëndimi

Juristi Kreshnik Spahiu komentoi në një intervistë për Euronews Albania përplasjen në OKB mes kryeministrit të Kosovës Albin Kurti dhe presidentit serb Aleksandër Vuçiç lidhur me  vendimin për dinarin.

Sipas Spahiut, me retorikë dhe fjalim Kurti ka fituar në raport me Vuçiç, por kjo është e parëndësishme përballë faktit që SHBA dhe BE ishin kundër tij në vendimin për heqjen nga qarkullimi të parasë serbe.

“Fjalimi i Kurtit ishte ekselent, por nuk është i mjaftueshëm se nuk fitohet në  OKB nëse flet bukur  Albinin por nëse flet bukur Uashingtoni, Londra, Berlini, Parisi. Por këta ishin kundër Kurtit dhe deklaruan se vendimi për heqjen e dinarit duhet të pezullohet dhe u rreshtuan krah Serbisë. Është një lloj papjekurie nga  ana  e Albin Kurtit që sjell zhgënjim te Perëndimi, që mendojnë se shqiptarët kanë  nota të theksuara mosmirënjohjeje”, tha Spahiu.

LEXONI GJITHASHTU:

• OKB mbyll seancën për dinarin me fjalën e Kurtit: Çdo qytetar serb e ka pranuar €
• BQK lëshon linjë telefonike pa pagesë për serbët e Kosovës në lidhje me dinarin