Burime për Euronews Albania bëjnë me dije se Pokuroria e Posaçme i ka dërguar një fletëthirrje deputetit të Partisë Socialiste Plarent Ndreca, i cili pritet të njoftohet për akuzën e shkeljes së barazisë në tendera.

Burime bëjnë të ditur se Prokuroria e Posaçme ka mbyllur hetimet për tenderin e rikonstruksionit të komisarjateve.

Plarent Ndreca dyshohet se ka kryer veprën penale gjatë kohës kur ka shërbyer si Sekretar i Përgjithshëm i Ministrisë së Brendshme. Ai do të përfaqësohet nga avokati i tij, Ermal Yzeiraj, në procesin e ardhshëm ligjor.

Akuza u është komunikuar edhe disa zyrtarëve të tjerë si dhe anëtarëve të komisionit të vlerësimit të ofertave.

Kallëzimi në SPAK u bë nga Kontrolli i Lartë i Shtetit, i cili dyshon se zyrtarët kanë lejuar mospërputhje dhe devijime ligjore në garën për ndërhyrje në Komisariatet e Vlorës, Mirditës, Pogradecit dhe atij nr. 4 në Tiranë.

Sipas KLSH-së, gjatë kontrollit u gjetën mospërputhje dhe devijime ligjore, si pasojë e shkeljeve të dispozitave ligjore në procedurat e prokurimit publik, të cilat kanë cënuar barazinë e pjesëmarrësve në tendera. P

o ashtu, ka pasur edhe rritje të paargumentuar të vlerës së kostove të ndërtimit dhe kostove të projektimit në procedurën e prokurimit. Procedurat janë kryer kur kjo ministri drejtohej nga Sandër Lleshaj, teksa është duke u hetuar edhe një tjetër tender i kësaj periudhe që ka të bëjë me uniformat e Policisë së Shtetit.

LEXONI GJITHASHTU:

• Plarent Ndreca: Rama e Meloni miq, po ndihmojnë njëri-tjetrin
• “Luftë e hapur ndaj korrupsionit”, Plarent Ndreca: Reforma në drejtësi dha rezultat