SPAK jep pretencën për dosjen “Sterilizimi”, sa vite burg kërkohet për të pandehurit

Prokuroria e Posaçme Kundër Korrupsionit dhe Krimit të organizuar ka dhënë pretencën për dosjen e “Sterilizimit”.

SPAK ka kërkuar nga 10 vite burg për ish-zv.ministrin e Shëndetësisë, Klodian Rrjepaj dhe biznesmenin Ilir Rrapaj, por në rast se shpallen fajtor do të përfitojnë nga gjykimi i shkurtuar dhe dënimi u konvertohet në 6 vjet e 8 muaj burg.

Struktura e Posaçme Antikorrupsion kërkoi 3 vjet e 6 muaj burg për 3 ish-zyrtarët, Marsela Serjanaj, Sajmir Kadiu dhe Petref Mersini.

Të pandehurit Serjanaj dhe Kadiu nga gjykimi i shkurtuar dënimi i konvertohet 2 vjet e 4 muaj burg, ndërsa Mersinit 4 vjet shërbim prove.

Për mjekun Arben Gjata, SPAK kërkoi që dënimi me 1 vit e 4 muaj burg t’i konvertohet në 3 vite shërbim prove.

Po ashtu edhe për Genc Byrazeri dhe Naile Ajazi u kërkua 2 vjet shërbim prove.

Ish-ministri i shëndetësisë, Ilir Beqaj do të gjykohet i veçuar nga 8 të pandehurit e tjerë pasi nuk kërkoi gjykim me procedurë të shkurtuar.

Beqaj, Rrjepaj dhe Rrapaj akuzohen për vjedhje duke shpërdoruar detyrën si grup i strukturuar kriminal, ndërsa të pandehurit e tjerë për falsifikim dhe shpërdorim detyre në procesin e koncesionit të sterilizimit me vlerë 100 milionë euro.

LEXONI GJITHASHTU:

• Shtyhet gjyqi për dosjen e “Sterilizimit”, Ilir Beqaj refuzon avokatin kryesisht
• “Sterilizimi”- Ilir Beqja mungon në gjyq, shkak gjendja shëndetësore