SPAK mbylli hetimet për Olsi Ramën në lidhje me Xibrakën, reagon Sali Berisha

Kreu i Partisë Demokratike, Sali Berisha, ishte këtë të shtunë në Pogradec, ku u shpreh kundër projektit të ndërtimit të një kompleksi buzë liqenit, duke akuzuar se ky ndërtim po kryhet nga “klani Xhafaj dhe Rama”. Ish-kryeministri u bëri thirrje qytetarëve pogradecarë të ruajnë vlerat e qytetit të tyre, pasi me ndërtime të tilla rrezikohet humbja e identitetit.

Në fjalën e tij, Berisha u ndal dhe te vendimi i SPAK për të mbyllur hetimet për Olsi Ramën në lidhje me denoncimin të bërë nga Gazmend Bardhi për dosjen “Xibraka”. Berisha theksoi se me vendimin e dhënë, SPAK dëshmoi që është vetë pjesë e kësaj dosjeje.

“Me deklaratën e tij dje, SPAK tregoi se është pjesë e dosjes Xibraka. Kaq mund të them, tregoi se tani nuk kemi vetëm Olsin, por kemi edhe Dumanin anëtar të bandës së Xibrakës”, tha Berisha.

Gjithashtu, kryedemokrati u ndal dhe në paraqitjen vajzës së tij në SPAK, në lidhje me hetimet e nisura pas deklaratës së saj se gjyqtarja Irena Gjoka mori një shumë prej 500 mijë euro nga një eksponent i Partisë Socialiste.

“Sa i takon thirrjes së vajzës sime dje në SPAK, për Irenën me pesë mbiemra, ishte gjëja më normale përpiqen të përdorin postet dhe detyrat për të mbrojtur një gjykatës delinkuente e dënuar. Por krimi i saj më i madh është se e ka fshehur dënimin. Ajo duhet të kishte deklaruar në dokumentet e vetingut se është e dënuar, përkundrazi ata fshehin një krim të gjykatëses, e cila e ka vendin në burg dhe jo në sallën e gjyqit”, tha Berisha.

LEXONI GJITHASHTU:

• “O do gjykohet im vëlla, o ti” Rama i përgjigjet Bardhit për interpelancën në Kuvend
• Dosja “Xibraka”/ SPAK mbyll hetimet: S’ka prova për Olsi Ramën