SPAK refuzoi kërkesën e Berishës për të shkuar në parlament, GJKKO shtyn seancën

U mbajt këtë të enjte në Gjykatën e Posaçme seanca për ankimimin e bërë nga avokatët e ish-kryeministrit Sali Berisha, mbi refuzimin e SPAK për ta lejuar të marrë pjesë në seancat plenare.

Në përfundim të seancës gjyqtarja Irena Gjoka vendosi shtyrjen e seqancës për në datë 8 shkurt.

Kujtojmë se avokatët iu drejtuan me një kërkesë prokurorëve të SPAK Arben Kraja e Enkeleda Millonai duke theksuar se kjo është një e drejtë kushtetutesE, si dhe faktin se ndaj Berishës nuk ka ende një vendim të formës së prerë.

Por kjo kërkesa e avokatëve të Berishës u rrëzua nga SPAK.

GJKKO caktoi më 30 dhjetor 2023, masën e sigurisë “Arrest me burg”, me mbikqyrje policore, ndaj ish-kryeministrit.

Sipas njoftimit të GJKKO Sali Berisha nuk duhet të largohet nga banesa e tij e ndodhur në adresën: Rruga “Mustafa Matohiti”, si dhe nuk duhet të komunikojë me persona të tjerë përveç atyre që bashkëjetojnë në të njëjtën banesë me të.

Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.

LEXONI GJITHASHTU:

• Berisha në SPAK, Boçi: Është vënë në një hetim politik, s’ka prova ndaj tij
• “Ngrihuni”- Berisha: Mos prisni që Dumani të dënojë Edi Ramën, ai është skllav i tij