Spektakël në ndeshjet e Champions: Arsenali merr 3 pikë ndaj PSG-së, humbet Milani

Milan u mposht në transfertën e Leverkusenit, ndërsa Dortmundi shënoi 7 gola ndaj Celtic. E marta solli rezultate surprizë, duke u karakterizuar nga spektakli që vetëm Liga e Kampionëve mund ta ofrojë për tifozët e futbollit, me 9 përballje të zhvilluara. Ekipet e mëdha arritën të fitojnë, përjashtim duke bërë Milani, që u mposht në transfertën e Leverkusenit. Të besuarit e Fonsecas u dënuan nga një gol i Boniface në pjesën e dytë, që i dha 3 pikët vendësve.

Një tjetër ekip gjerman që shkëlqeu ishte Dortmundi, duke shpartalluar Celtic me rezultatin 7-1, ku 6 prej golave u shënuan brenda 45 minutave të para. Pas humbjes së dy javëve më parë, Barcelona u rikthye me një fitore bindëse 5-0 ndaj Young Boys në Spanjë, me Robert Leëandoëski si protagonist, që realizoi një dopietë dhe i dha ekipit 3 pikët e para në këtë kompeticion.

Kryendeshja e mbrëmjes, mes Arsenalit dhe PSG-së, u fitua nga londinezët me rezultatin 2-0, me golat e shënuar nga Kai Havertz dhe Bukayo Saka, ky i fundit nga një goditje dënimi. Ndeshja u dominua nga “Gooners”, të cilët patën disa raste shënimi, ndërsa për parizienët, ky sezon duket se do të jetë i vështirë.

Interi dhe Mançester Siti gjithashtu siguruan fitore në përballjet e tyre, italianët duke likujduar Crvenan Zvezdën me rezultatin 4-0, po me të njëjtin rezultat edhe ekipi i Guardiolës ndaj Slovan Bratislavës. Një tjetër surprizë ndodhi në ndeshjen Salzburg-Brest, ku ekipi francez fitoi 4-0, ndërsa ndeshja tjetër që u luajt paralelisht, Shtutgart-Sparta Pragë, përfundoi me një barazim 1-1.

LEXONI GJITHASHTU:

• Gjermanët shkëlqyen në Champions: 18 gola në 3 ditë, Bayerni vendos rekord në Europë
• Bayern-Dinamo Zagreb një “çmenduri”, shënohen 11 gola! Juventus rikthehet me fitore