Speleologët italianë eksplorojnë Shpellën e Ariut në Pogradec

Shpella e Ariut në Bishnicë të Pogradecit është një monument natyre pak i prekur nga turistët.

Por 4 speleologë italianë që merren me zbulimin, studimin dhe eksplorimin e shpellave, kanë vlerësuar këtë vend, si një sit mjaft interesant turistik që mund të tërheqë shumë njerëz në të ardhmen.

“Ne vijmë në Shqipëri që prej vitit 1995. Natyra këtu është mjaft interesante dhe jemi gjithmonë në kërkim të zonave të pashkelura për të zbuluar shpella që mund të jenë pika turistike në të ardhmen. E fundit që vizituam ishte një shpellë në Gramsh, e krijuar nga ujërat e rrëmbyeshëm. Shpella ka një formacion mjaft interesant, me stalaktite dhe stalagmite. Si shpellë është shumë e vjetër”, thotë Frederico Bianchi, speleolog.

Shpella e Ariut ka potenciale për të qenë pjesë e listës së monumenteve natyrore dhe një pikë e rëndësishme turistike.

Në Bishnicë, përveç Shpellës së Ariut si destinacion turistik, gjenden dhe 2 liqene akullnajore si potenciale të mëdha për zhvillimin e turizmit dimëror.

LEXONI GJITHASHTU:

• Ministrja e Turizmit: Së shpejti do të hiqen vizat me Japoninë
• Lufta frenoi turizmin, Shqipëria nuk u vizitua nga rusët e bjellorusët