Ministrja e Turizmit: Së shpejti do të hiqen vizat me Japoninë

Ministrja e Turizmit, Mirela Kumbaro deklaroi në një intervistë për Euronews Albania se së shpejti do të hiqen vizat me Japoninë.

Ajo shtoi se Shqipëria është në hartën turistike të Japonisë.

“Më lejoni t’ju konfirmoj që takimi dypalësh në nivelin e dy kryeministrave, po ashtu dhe në nivelin e delegacionit ishte një takim i shkëlqyer që zgjati dhe që pati një thellësi komunikimi dhe intensiteti argumentesh, prej të cilës unë besoj do të kemi rezultate shumë të mira në bashkëpunimin jo thjesht turistik, por sidomos në bashkëpunimin ekonomik që na intereson më shumë,” – deklaroi Kumbaro.

Ministrja theksoi se kryeministri japonez konfirmoi gjatë takimit se ka planifikuar caktimin e një ambasadori të dedikuar për Ballkanin Perëndimor dhe është hera e parë që ndodh diçka e tillë.

LEXONI GJITHASHTU:

• Rama nga Japonia: Presim të hiqni vizat për shqiptarët
• Rama takim me drejtuesin e kompanisë teknologjisë së lartë në Japoni