Spitalet e Khersonit evakuohen për shkak të granatimeve

Guvernatori i rajonit Kherson në Ukrainën juglindore, më 25 nëntor, tha se “për shkak të granatimeve të vazhdueshme” zyrtarët evakuuan pacientët nga disa spitale, ndërsa një zyrtar tjetër ukrainas fajësoi forcat ruse për dhjetëra viktima nga granatimet, raporton AFP.

Galina Lugova, shefe e administratës ushtarake të qytetit Kherson, tha se 15 banorë të qytetit u vranë nga bombardimet ruse gjatë ditës dhe 35 të tjerë u plagosën, duke përfshirë një fëmijë, raporton Radio Evropa e Lirë.

Lugova ka deklaruar në rrjetet sociale se nga bombardimet ruse janë dëmtuar disa shtëpi private dhe ndërtesa të larta.

Guvernatori Yaroslav Janusheviç tha më herët gjatë ditës, përmes kanalit Telegram të administratës rajonale, se fëmijët nga institucioni spitalor rajonal i Khersonin u transportuan në Mykolaiv, rreth 60 kilometra larg.