Spiunonte për Izraelin, Irani ekzekuton të akuzuarin

Irani tha të hënën se ekzekutoi një burrë i cili u akuzua për spiunazh për Izraelin, duke e përshkruar atë si “një nga spiunët më të mëdhenj për Izraelin në Iran”.

Agjencia e lajmeve Mizan e Iranit, e cila është zëdhënësja zyrtare e gjyqësorit, tha se burri, është  identifikuar si Bahman Choobiasl dhe se ky është ekzekutimi i 10-të që nga konflikt 12-ditor me Izraelin.

Sipas medias, Choobiasl dyshohet se ka punuar në “projekte e telekomunikacioni” dhe ka raportuar mbi “rrugët e importimit të pajisjeve elektronike” pa ofruar prova.

Më herët këtë muaj, Irani ekzekutoi Babak Shahbazin, i cili dyshohej se spiunonte për Izraelin. Aktivistët e kundërshtuan këtë, duke thënë se Shahbazi u torturua deri në një rrëfim të rremë pasi i shkroi një letër Presidentit ukrainas Volodymyr Zelensky duke i thënë të luftonte për Kievin.

Teherani ka qenë një nga mbështetësit e pushtimit në shkallë të plotë të Ukrainës nga Rusia, duke i siguruar Moskës dronët e saj Shahed, të cilët tani përdoren nga forcat ruse në sulmet e tyre të përditshme ndaj objektivave civile ukrainase.

Grupi i të Drejtave të Njeriut në Iran me seli në Oslo dhe Qendra Abdorrahman Boroumand për të Drejtat e Njeriut në Iran me seli në Uashington thonë se mbi 1,000 njerëz janë ekzekutuar në Iran këtë vit.

Numri mund të jetë më i lartë pasi Irani nuk raporton për çdo ekzekutim, sipas raportimeve.

LEXONI GJITHASHTU:

• Zgjerohet operaconi në zonë, mbi 800 mijë palestinezë largohen nga Gaza
• “Sulmet ruse zgjatën 12 orë”, reagon Zelensky: Ukraina do të hakmerret!