Sporti i Kajakut në Sarandë, Buzo: Më besoni, ujërat janë të ngrohta!

Një dekadë e gjysmë në dashuri me ujin… Erjon Buzo, 40 vjeçari sarandiot i cili duket se pasionin e tij tashmë e ka kthyer në profesion. Kayak është sporti të cilit tashmë ai i është dedikuar dhe që i merr pjësën më të madhe të ditës.

“Jam një kajaker profesionist dhe ushtroj profesionin dhe sportin e kayakut (kajakut) prej 15 vitesh. Me këtë sport kontaktin e parë e kam patur në Greqi , në ujëra të rrëmbyëshme, në lumenj me kontaktin e parë direkt më fitoj. U bë pjesë e imja dhe unë pjesë e kajakut , dhe që atëhere thuajëse përditë unë ushtroj sportin e kajskut duke bërë kilometra të tëra”, tha Erjon Buzo.

“Është lifestyle , më plotëson si qënie njerezore, si gjallesë, më kënaq mendjen time, trupin tim, shpirtin tim…”, shtoi Buzo.

Miqtë e tij i janë kthyer shpesh edhe në shoqërues herë pas here duke sfiduar kështu edhe temperaturat e ulëta.

“Më besoni ujërat janë të ngrohta nuk janë fare të ftohta…

“Kam miqt e mi që e din që jam këtu dhe vijnë cdo vit, bëjm shëtitje bashke, si në liqenin e Butrintit, si kanalin e Butrintit, në gjirin e Sarandës, kemi shkuar në lumin Vjosë…”, tha më tej ai.

Hovi i turizmit detar vitet e fundit në Sarandë, e ka shtyrë Erjonin që pasionin e tij ta kthej ketë verë në një formë turizmi.

“U ktheva para 10 vitesh, kisha dëshirë ta ushtroja si aktivitet dhe ta ndaja dhe me të tjerë, por s ka patur kërkesat e duhura.

Tashmë shohë që është momenti i erdhi koha, turistët që vijnë janë moshë e re, janë turista që kanë qën ne kontakt me kajakun më përpara e kërkojnë, si aktivitet. Duan ta shohin Sarandën tonë të bukur edhe me mënyrë tjetër me mënyrën e kajakut… të shkosh në plazhe që është e pamundur të shkosh në mënyra të tjera”, tha Buzo.

LEXONI GJITHASHTU:

• U kapën duke transportuar 4 emigrantë të paligjshëm, arrestohen tre persona në Korçë
• Transportonte kanabis, vihet në pranga 33-vjeçari në Sarandë