“S’të marr leje ty”, Molliqaj-Kullës: Mos bëj propagandë për Albinin, i rrezikshëm

Dardan Molliqaj, deputet i parlamentit në Kosovë ishte i ftuar këtë të martë në “Now me Erla Mëhillin për të folur rreth situatës së tensionuar në veriun e Kosovës. Ai tha se Albin Kurti gjatë qeverisjes së tij ka treguar se nuk mendon gjithnjë për më të mirën e Kosovës. Sipas tij vendimet e Kurtit në veri janë të papranueshme, të dëmshme, të rrezikshme dhe me zero rezultat.

Duke iu referuar shpjegimeve që eksperti Ilir Kulla dha për arsyen e pezullimit nga SHBA të stërvitjes Defender 2023 në Kosovë, Molliqaj tha se nuk duhen interpretuar në këtë mënyrë qëndrimet e NATO-s. Ai gjithashtu i tha Kullës se nuk duhet të bënte propagandë për Albinin, ndërsa ky i fundit i tha se nuk ka bërë asnjë propagandë por thjesht ka treguar mënyrën se si KFOR reagon në të tilla situata.

Pjesë nga biseda

Dardan Molliqaj: Nuk ka kuptim mbështetja që t’i po i jep Albinit. Duhet të fillojmë të flasim më seriozitshr, vendimet e Kurtit në veri janë të papranueshme, të dëmshme, të rrezikshme dhe me zero rezultat dhe ju nuk jeni për të interpretuar qëndrimet e NATO-s

Ilir Kulla: Se çthem unë , janë gjërat e mia se nuk të marr leje as ty dhe as një njeriu tjetër.

Dardan Molliqaj: Mendimin mund ta japësh, por ti bën propagandë.

Ilir Kulla: Jo nuk bëj propagandë, unë dhashë një shpjegim se si funksionon KFOR-i dhe si merren masat operative.

Dardan Molliqaj: Nuk mund të thuash deklaratat e ekspertit nën petkun e ekspertit.

Ilir Kulla: Jo unë nuk thashë deklaratat e ambasadorit. Mua madje më shqetëson shumë pezullimi  marrëdhënieve me Amerikën, por kjo nuk ka të bëjë me faktin se si reagon KFOR-i kur vjen ushtria në kufi.

LEXONI GJITHASHTU:

• “Ofendove Albinin”, Kulla- Spahiut: I the trushpëlarë gjysmës së popullit të Kosovës
• Kreshnik Spahiu: Si luan Albin Kurti me “trushpëlarët” në Kosovë