Eksperti i kriminalistikës, Artan Rexhepi ishte këtë të shtunë në Euronews Albania ku tha për gazetaren Greta Topjana se është e vështirë të përcaktohet nga një video nëse mjeti që gardisti i tregoi deputetit Luan Baçi ishte pistoletë apo gaz lotësjellës.

Sipas tij garda asnjëherë nuk mund ta prekë deputetin, ndërsa theksoi se edhe gazi lotsjellës konsiderohet armë.

“Nëse më sjell pamjet mua e nxjerr unë ishte revole apo jo. Duke komentuar videon e publikuar nga policia, ai tha se policia nuk e ka pozicionuar njësoj videon. Unë nuk them dot në kanë gënjyer, por unë duhet ta kem përpara pamjen.

Nga këto videot nuk dallohet gjë. Ajo ka shumë punë ekspertiza, e dini si bëhet? Duhet marrë një armë që përdor policia, duhet vënë në këllëfin e të njëjtit individ, duhet të filmohet nga e njëjta kamerë pothuajse në të njëjtin pozicion.

E më pas dallohet ku del si del, ca lartësie del, shikojmë edhe gjerësinë, e më pas dalim në konkluzion. Unë nuk them dot që nuk është armë. Prokuroria duhet të kishte sekuestruar të gjitha pamjet filmike nga të gjitha televizionet, e në një kënd ajo do dilte qartë se çfarë ishte”,-tha Rexhepi.

LEXONI GJITHASHTU:

• “Punojnë jashtë orarit”- Rexhepi: E domosdoshme siguracioni i jetës për policët
• Eksperti Rexhepi: S’do merrte nënën në makinë nëse do planifikonte vrasjen e policit