Strategjia e Bashës në përballjen me Berishën shkak për uljen e popullaritetit, thotë studiuesja politike

Blerjana Bino, studiuese e shkencave politike duke komentuar zhvillimet në PD, thotë se strategjia që ka zgjedhur Basha duke qëndruar më i tërhequr ka ulur popullaritetin e tij dhe ka favorizuar ish-liderin, Sali Berishën.

“Jemi në emergjencë kombëtare për opozitë të fortë. Në këto kushte, dhe kjo strategji, që ka zgjedhur z. Basha luan në favor të z. Berisha. Të dy janë shumë dobët, nëse këto janë alternativat e opozitës në katër vitet e ardhshme mbështetja e të dyve nga qytetarët është shumë dobët”, tha ajo në emisionin Barometri në Euronews Albania.

Ajo theksoi se personalisht ka pritur që vendimi për të përjashtuar Berishën nga grupi parlamentar do ta fuqizonte Bashën, por kjo gjë nuk ka ndodhur, të paktën në perceptimin e qytetarëve.

“Mendova se ishte një vendim shumë i fuqishëm, ndërkohë që e shoh pak të tërhequr në kuptimin se nuk është në përballje me z. Berisha ka një strategji, që ndoshta kjo lëvizja do të bjerë dalëngadalë dhe do të fiket”, tha ajo.

LEXONI GJITHASHTU: 

• Përmbyset pëlqyeshmëria e Berishës dhe Bashës mes votuesve të PD