Strategjia e drejtësisë 2030, ambasadori i OSBE: Drejtësia duhet më afër qytetarëve

Ministria e Drejtësisë zhvilloi sot një takim me institucionet e drejtësisë dhe partnerët ndërkombëtarë, në tryezën e rrumbullakët “Strategjia Ndërsektoriale e Drejtësisë 2024-2030: Arritjet dhe sfidat e zbatimit të saj në kontekstin e Integrimit Evropian”.

Ambasadori i OSBE, Michel Tarran tha se bashkëpunimi i aktorëve vendas dhe ndërkombëtarë është i rëndësishëm në ravijëzimin e sistemit të drejtësisë në vend.

Tarran u shpreh se drejtësia duhet të jetë më afër qytetarëve duke rritur transparencën në ofrimin e shërbimeve.

“Strategjia ka synim të ravijëzojë sistemin e drejtësisë në Shqipëri sipas standardeve ndërkombëtare. Kjo fazë e reformës përqendrohet te përmirësimi i efikasitet. Qëllimi është të përmirësohet kuadri ligjor për të rritur transparencën kur ofrohen shërbimet dhe për ta afruar drejtësinë më shumë me qytetarët”, tha ai.

LEXONI GJITHASHTU:

• 21 janari, Rama: Drejtësia vonon po nuk harron
• Akuzohet për pengim të drejtësisë, mbahet seanca për imam Ahmed Kalanë