Studentët u rikthehen protestave në Serbi, bllokojnë pikat e qarkullimit në Beograd

Studentët serbë protestuan sërish sot (10 janar 2025) në Beograd. Ata u mblodhën në kryqëzimin kryesor të kryeqytetit serb, duke paralizuar qarkullimin e makinave.

Tubimi filloi në orën 13:00 para Pallatit të Drejtësisë në rrugën Savska, ku ndodhen institucione të shumta gjyqësore.

Më pas ata u shpërndanë në të dy drejtimet e autostradës ndërkombëtare përmes kryeqytetit të Serbisë, ku qëndruan deri rreth orës 15.00.

“Duke bllokuar duam të vëmë në dukje nyjen e pazgjidhshme në të cilën ndodhet prokuroria, reagimet e së cilës ose janë të vonuara ose mungojnë plotësisht, ndaj kërkesave dhe ligjeve të qarta dhe të sakta”, shprehen studentët në deklaratë.

Opozita kërkon dorëheqjen e kryetarit të Novi Sadit, Milan Gjuriq, dhe kryeministrit të Serbisë, Millosh Vuçeviq, presidentit të Partisë Progresive Serbe (SNS) në pushtet, si dhe përcaktimin e përgjegjësisë penale për shembjen e strehës së jashtme të ndërtesës të Stacionit Hekurudhor në Novi Sad, (ku vdiqën 15 persona).

LEXONI GJITHASHTU:

• SHBA sanksionoi industrinë serbe të naftës, reagon Vuçiç: E rëndë dhe serioze!
• ​Vuçiç: Nuk ka asnjë kompetencë për autonominë e Vojvodinës