Studimi i OBSH: 48% e foshnjave po ushqehen me gji, jemi afër objektivit global

Bota është fare pranë arritjes së objektivit global për ushqyerjen me gji të paktën 50% të fëmijëve deri në 2025.

Të dhënta e fundit zyrtare të hartuara nga ekspertët e shëndetësisë botërore tregojnë se në 12 vitet e fundit, numri i foshnjave nën moshën gjashtë muajsh që ushqehen ekskluzivisht me gji është rritur me më shumë se 10%.

Aktualisht në nivel global 48% e foshnjave përfitojnë nga ky fillim i shëndetshëm në jetë.

Ekspertët vlerësojnë se përmirësimi i normave të ushqyerjes me gji mund të shpëtojë jetën e mbi 820 000 fëmijëve çdo vit.

Gjatë 6 mujorit të parë të jetës antitrupat në qumështin e gjirit mbrojnë foshnjat nga sëmundjet dhe vdekja.

Kjo është veçanërisht e rëndësishme gjatë emergjencave, kur ushqyerja me gji garanton një burim ushqimi të sigurt, ushqyes dhe të arritshëm për foshnjat dhe fëmijët e vegjël.

Ushqyerja me gji redukton barrën e sëmundjeve të fëmijërisë dhe rrezikun e llojeve të caktuara të kancerit dhe sëmundjeve jo të transmetueshme për nënat.

LEXONI GJITHASHTU:

• OBSH: Sa përqind e adoleshenteve shqiptare janë dhunuar nga partnerët e tyre
• OBSH: Evropa duhet të vazhdojë luftën kundër HIV/AIDS-it, në rritje numri i vdekjeve