OBSH: Evropa duhet të vazhdojë luftën kundër HIV/AIDS-it, në rritje numri i vdekjeve

Organizata Botërore e Shëndetësisë është duke bërë thirrje për luftë kundër HIV-it dhe stigmës rreth tij, pak para një konference ndërkombëtare për AIDS-in, që do të nisë të hënën në Mynih.

“Shifrat e infektimeve të reja dhe vdekjeve janë duke u rritur në Evropë, situata epidemike dallon shumë nga rajoni në rajon” , ka thënë drejtori rajonal i OBSH-së, Hans Kluge.

Ai shprehu bindjen se ”Konferenca Botërore e SIDA-s” që fillon në Mynih të hënën do ta kthejë këtë çështje në fokus më të mprehtë.

Sipas  OBSH-së diagnostikimi i HIV-it në faza të vonshme mbetet problem në ditët e sotme, dhe se është me rëndësi që të masa urgjente për të adresuar stigmatizimin e të prekurve.

Në Evropë jetojnë rreth tre milionë njerëz me AIDS, ndërsa në gjithë botën rreth 39 milionë.

LEXONI GJITHASHTU:

• OBSH: Mungesa e karburantit, katastrofike për shërbimet shëndetësore në Gaza
• OBSH: 31% e të rriturve inaktiv, rrezikohen nga disa sëmundje