OBSH: 31% e të rriturve inaktiv, rrezikohen nga disa sëmundje

Rreziku për tu prekur nga sëmundjet kardiovaskulare si sulmet në zemër apo goditjet në tru, diabeti i tipit 2  apo demencia janë disa nga sëmundjet që favorizohen nga mungesa e aktivitetit fizik.

Për specialistët shqetësuese, mbeten pabarazi midis gjinisë dhe moshës. Inaktiviteti fizik është akoma më i zakonshëm tek femrat në nivel global krahasuar me meshkujt, me përqindje të pasivitetit prej 34% krahasuar me 29%. Për më tepër, njerëzit mbi 60 vjeç janë më pak aktivë se të rriturit e tjerë,

Ndaj edhe ekspertët vënë theksin tek rëndësia e promovimit të aktivitetit fizik për të rriturit e moshuar.

Pavarësisht rezultateve shqetësuese, Studimi tregoi se pothuajse gjysma e vendeve të botës kanë bërë disa përmirësime gjatë dekadës së fundit dhe 22 vende u identifikuan si të mundshme për të arritur objektivin global të reduktimit të pasivitetit me 15% deri në vitin 2030, nëse trendi i tyre vazhdon me të njëjtin ritëm.

Organizata Botërore e Shëndetësisë rekomandon që të rriturit të kenë 150 minuta me intensitet të moderuar, ose 75 minuta aktivitet fizik me intensitet të fuqishëm, ose ekuivalente, në javë.

LEXO GJITHASHTU:

• 2.8% e shqiptarëve varësi nga alkooli, OBSH: 22% e të rinjve konsumatorë
• 1 në 5 adoleshent obez, OBSH: Shkak kequshqyerja dhe mungesa aktivitetit fizik