Studiuesi Kapri: Kjo është “thembra e Akilit” mes Shqipërisë dhe Greqisë

Studiuesi Erald Kapri tregoi në “Now me Erla Mëhillin” thembrën e Akilit mes Shqipërisë dhe Greqisë.

Ai u shpreh se mes dy vendeve ka disa ndasi historike, politike dhe ndërshtetërore të cilat janë të pazgjidhshme për shkak të bllokimit të palës greke, të cilat nuk i shërbejnë frymës së mirë të marrëdhënieve mes dy vendeve.

“Ka katër vite që na është premtuar heqja e ligjit të luftës, që janë disa dhjetëra dhe qindra shtetas shqiptarë që u janë konfiskuar pronat në vitet 40’, mes tyre dhe ambasada shqiptare e vjetër në mes të Athinës, që ende nuk e kemi marrë për shkak se ky ligj nuk është aprovuar akoma, apo deri tek thembra e Akilit mes dy vendeve që është çështja çame,” – tha Kapri.

Ai u shpreh se bëhet fjalë për çështje të drejtash dhe një gjenocid i cili nuk njihet ende nga një vend si Greqia që është anëtare e Bashkimit Europian.

LEXONI GJITHASHTU:

• “Himara djep i nacionalizmit”, provokon historiani Kapri
• Eksperti replika me gazetarin grek: I ngatërron arvanitasit me shqiptarët qëllimisht