“Sulm i hapur terrorist”, Ramush Haradinaj: Kemi nevojë për aleatët e sigurisë

Kryetari i Aleancës për Ardhmërinë e Kosovës, Ramush Haradinaj pas një takimi me presidenten e Kosovës Vjosa Osmanin, tha në një deklaratë për mediat se ata kanë biseduar kryesisht për sigurinë e vendit.

Ai tha se biseda ishte bërë me ftesë të presidentes e cila po takohet me përfaqësuesit opozitar lidhur me ngjarjen e rëndë që ndodhi ditën e diel në veri të Kosovës. “Sulm i hapur terrorist”, kështu e quajti Haradinaj sulmin e ogranizatës kriminale ndaj policisë së Kosovës ku mbeti i vrarë Afrim Bunjaku, ndërsa të tjerë u plagosën.

“Kemi nevojë për aleatët, kemi nevojë për aleatët e sigurisë. Vetëm imagjinoni sikur atë ditë aty të mos ishte KFOR dhe ushtarët amerikanë. Kini parasysh se çdo qytetar i Kosovës që kryen shërbimin ndaj atdheu, e kanë detyrë por është për ne mjaft e mirëseardhur që kemi KFOR-in aty dhe Eulexin.

Duhet që politikisht ta ndihmojmë këtë bashkëpunim. Pra duhet të jetë bashkëpunimi politik mes institucioneve të Kosovës dhe aleatëve tanë”,-tha Ramush Haradinaj.

LEXONI GJITHASHTU:

• Airbnb thirrje parisienëve: Jepni me qira shtëpitë tuaja gjatë Olimpiadës
• Dule: Ka shkelje në procesin e Censit, s’bëjnë pyetjet për përkatësinë etnike