Sulmi ndaj Berishës, reagon Rama: Dënoj dhunën, agresori të përballet me ligjin

Kryeministri Edi Rama dënoi përmes një deklarate dhunën e ushtruar mbi Sali Berishën mesditën e 6 dhjetorit, gjatë protestës të opozitës.

Ai deklaroi se dhuna nuk ka qenë kurrë e as nuk do të jetë mjet për të adresuar ndonjë shqetësim.

Ndërkohë ai theksoi se kushdo që përdor dhunën duhet të përballet dhe me forcën e ligjit.

Deklarata e plotë:

Kryeministri i Shqipërisë, Edi Rama dënon pa asnjë ekuivok aktin e pajustifikueshëm e të patolerueshëm të dhunës mbi organizatorin dhe udhëheqësin e protestës së sotme! Dhuna s’ka qenë, s’është e s’do jetë kurrë një mjet për të adresuar çfarëdo çështje apo shqetësimi dhe kushdo e përdor këtë mjet duhet të përballet me të gjithë forcën e ligjit.

LEXONI GJITHASHTU:

• “Zbatoi porosinë e vëllait mysliman”, Berisha: Sulmi i përgatitur nga Rama
• “Vërtetimi i mjekut nuk ka datë”, Berisha: Shehu është agjent i policisë kriminale